Invictus EDT

Paco Rabanne kom með herrailminn Invictus á markað árið 2013 til að mæta eftirspurn aðdáenda hönnuðarins eftir sportlegum herrailmi en áður höfðu Million ilmirnir slegið algjörlega í gegn hjá Paco Rabanne.

Invictus er latneska orðið yfir „ósigrandi“ en flaskan er í laginu eins og verðlaunabikar. Ótvírætt merki um yfirburði og sigur.

Ilmurinn opnast með ferskum greipaldin og sjávarilmi sem leiðir okkur í hjartað þar sem lárviðarlauf og hedione jasmína taka við, blönduð viðargrunni frá guaiac, ásamt patchouli, eikarmosa og ambur.

Þetta er sportlegur ilmur fyrir þá sem elska flottan stíl og klassa.