Bioeffect EGT Firming Favorites Giftset

EGF Firming Favorites

EGF Firming Favorites gjafasettið inniheldur þrjár af okkar allra vinsælustu vörum: EGF Serum, EGF Eye Serum og Imprinting Eye Mask. EGF Serum, margverðlaunuðu húðdroparnir auka raka, draga úr ásýnd fínna lína, hrukka og þétta húðina. EGF Eye Serum er endurnærandi augnserum sem einnig vinnur á fínum línum og hrukkum auk þess að draga úr þrota umhverfis augun. Imprinting Eye Mask er sérstaklega þróaður til að efla og hámarka áhrif EGF Eye Serum.

EGF Serum er vísindalega þróað serum sem fyrirbyggir og vinnur á sýnilegum öldrunarmerkjum húðar. Inniheldur okkar einstaka BIOEFFECT EGF, endurnærandi og rakabindandi vaxtarþáttur sem gegnir mikilvægu hlutverki við að efla rakabindingu, auka þéttleika og viðhalda sléttri og heilbrigðri ásýnd. Klínískar innanhússrannsóknir hafa sýnt að EGF Serum eykur raka, dregur úr ásýnd hrukka og fínna lína og þéttir húðina. Upplifðu hámarksárangur með hreinni húðvöru sem inniheldur aðeins 7 náttúrulega virk efni. 

EGF Eye Serum EGF Eye Serum hefur öflug áhrif á ásýnd húðarinnar umhverfis augun enda er það sérstaklega þróað til að vinna á fínum línum, broshrukkum, hrukkum og slappleika. Augnserumið er blandað með BIOEFFECT EGF, hýalúronsýru og hreinu, íslensku vatni til að þétta, slétta og næra húðina á augnsvæðinu. Á flöskunni er kælandi stálkúla sem er notuð til að dreifa úr formúlunni og hefur á sama tíma einstök áhrif á þrota, þreytumerki og dökka bauga.

Imprinting Eye Mask er nærandi augnmaski fyrir viðkvæmu húðina umhverfis augun. Hýalúronsýra og glýserín veita húðinni mikinn og djúpvirkan raka auk þess að draga úr þrota. Gelkennd áferðin hefur bæði kælandi og róandi áhrif. Augnmaskinn er sérstaklega þróaður til að hámarka virkni BIOEFFECT seruma.

• Hentar öllum húðgerðum
• Án olíu, ilmefna, alkóhóls, parabena og glútens
• Ofnæmisprófað